Avmarkingar við genomkanningum

Genomkanningar kunnu í nøkrum førum útvega neyvar og álítandi upplýsingar, men í øðrum førum ber ikki til at fáa greið úrslit. Einstaklingurin er meira enn samløgan (summurin) av ílegunum. Umhvørvið kann ávirka tann háttin, ílegurnar virka, og nógv heilsuviðurskifti eru als ikki tongd at ílegunum.

Tá eitt frábrigdi verður funnið í ávísari ílegu hjá einum persóni, kunnu upplýsingar fáast um upprunan til verandi heilsustøðu hjá persóninum, til framtíðar heilsustøðu ella til eina heilsustøðu, sum persónurin er í øktum vanda fyri at koma í seinni. Til ber tó ikki altíð at siga nakað um, hvussu álvarsom støðan verður, ella um nær heilsustøðan íkemur.

Vantandi neyvleikin í upplýsingunum í ílegunum og hvussu og nær hesar ávirka heilsustøðuna hjá tí einstaka ger, at tað kann vera trupult at gera av, hvussu upplýsingarnar skulu brúkast. Íleguráðgeving er tískil alneyðug, so avgerðir kunnu verða tiknar á nøktandi grundarlagi.

Kelda: Health - Centre for Genetic Education, Australia