Útvarpssending um Ættarbandsskránna

Tíðindi


07.08.2017

Útvarpssending um Ættarbandsskránna

Ættarbandsskráin hjá Ílegusavninum er ein ættartalva við øllum føroyingum, og fevnir hon um tíðarskeiðið frá umleið 1650 til í dag. Ættarbandsskráin verður brúkt til heilsugransking og er eitt hent amboð í sambandi við ílegugransking, tí til ber at kanna sambandið millum ættarbregði og sjúku, sum er tongt at ílegubreki.

Í Ættarbandsskránni eru nógvar spennandi upplýsingar. Til dømis ber til at síggja, at av teimum 158.000 føroyingunum, sum eru skrásettir í skránni, eru 149.000 í familju við ein ávísan mann, og tískil kann sigast, at øll hesi eru skyld. Eisini vísir Ættarbandsskráin, at ávís kvinna, sum átti sítt fyrsta barn í 1880, í dag hevur 3474 beinleiðis eftirkomarar.

Hoyr meira um hetta og annað í útvarpssendingini, Vitan, frá 18. juli 2017 í Kringvarpi Føroya.