Kanningar

Blóðroyndir verða tiknar kring landið við jøvnum millumbilum, og tú kanst bóka tíð frammanundan á kanning.fargen.fo

FarGen-kalendarin fyri henda mánaðin sæst her.

Tá tú møtir til blóðtøku tryggja vit okkum, at tú hevur latið okkum neyðugu skjølini, tvs. undirskrivaða samtykkisváttan og eitt útfylt spurnablað. Mannagongdin er síðani henda:

• Blóðtrýst og pulsur verða mátað.

• Blóðroynd verður tikin av tær til eina genomkanning og biokemiskar kanningar.

• Hædd, mjadna- og miðjumát verða tikin.

• Á eini in-body vekt verða m.a. hesi mát tikin: vekt, feittprosent og vøddamassi. Tú fært úrslitini frá hesi kanningini við tær á einum skjali.

• Lungna- og eygnavirkni verða mátað.

• Tú kanst lata okkum eina landroynd, áðrenn tú fert avstað.