Soleiðis luttekur tú

Les kunningartilfarið, Luttakarakunning um FarGen 2, so tú veitst, hvat verkætlanin snýr seg um, og hvat tín luttøka inniber. Fyll út FarGen-spurnablaðið og prenta tað út. Í spurnablaðnum eru spurningar um m.a. tína bakgrund, lívsstíl og heilsu.

Tíðir verða bert lagdar út fyri eina viku í senn. Um tú fyllir út teigarnar í høgra bredda her á síðuni, fært tú eini boð, tá vit eru í tínum øki.

Tá tú møtir til blóðtøku, skalt tú lata inn útfylta spurnablaðið og eina samtykkisváttan, sum tú fært útflýggjað á staðnum. Við tíni undirskrift váttar tú tína luttøku, og at tú hevur fingið kunning um verkætlanina.

Les meira um kanningarnar, sum eru partur av FarGen 2.