Tíðindaskriv: Ólavur skal greina genetiska fjølbroytnið hjá føroyingum

Tíðindi


30.05.2018

Tíðindaskriv: Ólavur skal greina genetiska fjølbroytnið hjá føroyingum

Ólavur Mortensen, bioinformatikari hjá FarGen, fekk í gjár játtað útvið 950.000 kr. í fígging frá Granskingarráðnum til Ph.d.-verkætlanina Greining av genetiska fjølbroytninum hjá føroyingum.

Ph.d-verkætlanin skal geva eina fatan av populatiónsgenetiska bygnaðinum hjá føroyska fólkinum. Populatiónsgenetikk snýr seg um at greina genetisku arvagongdina gjøgnum ættarlið og ta ávirkan, henda gongdin hevur á genetiska fjølbroytnið hjá einum fólkabólki – í hesum føri hjá føroyingum. 

Verkætlanin er partur av FarGen-verkætlanini hjá Ílegusavninum og fer at styrkja munandi um grundarlagið fyri gransking í arvaligum sjúkum í Føroyum. Føroyar verða mettar sum eitt genetiskt avbyrgt fólk, og Ph.d-verkætlanin skal skapa eina fatan av, hvussu ílegusamansetingin hjá føroyingum er. Málið er at menna eina skrá, sum vísir títtleikan av íleguvariantum hjá føroyingum, og tað er eitt gott bakstøði fyri gransking í arvaligum sjúkum. 

Ílegusavnið hevur gott grundarlag fyri arvagransking, tí tey hava ment eina Ættarbandsskrá, sum er eitt ættartræ yvir føroyingar frá uml. 1650 til í dag. “Ættarbandsskráin setur okkum í eina serstøðu og letur upp fyri greiningum sum júst teimum í Ph.d.-verkætlanini hjá Ólavi, so vit eru ógvuliga fegin um fíggingina frá Granskingarráðnum,” sigur Noomi O. Gregersen, verkætlanarleiðari hjá FarGen.

Ólavur Mortensen er 27 ár og útbúgvin sivilverkfrøðingur í støddfrøði á Danmarks Tekniske Universitet. Hann hevur starvast hjá Ílegusavninum við FarGen-verkætlanini í eitt ár. Ph.d-verkætlanin er eitt samstarv millum Ílegusavnið, Fróðskaparsetur Føroya og Aarhus Universitet.

 

28.10.2019FarGen - eitt gullnám fyri heilsugransking 25.02.2019FarGen í Nature-tíðarriti 08.02.2019FarGen í Tallinn 22.01.2019Gransking við FarGen-dátum 12.09.2018Postaravirðisløn til FarGen 31.08.2018KT-húsið veitir útgerð til superteldu til FarGen 30.05.2018Tíðindaskriv: Ólavur skal greina genetiska fjølbroytnið hjá føroyingum 30.04.2018Málið fyri stig 1 rokkið 01.02.2018Síðstu blóðroyndirnar 04.01.2018FarGen fær 3 mió á donsku fíggjarlógini 09.11.2017Blóðroyndir í november og desember 20.09.2017FarGen fingið stórfingna gávu frá Betri 15.09.2017FarGen á GBW í Stockholm 22.08.2017Fyrstu genomini lisin 07.08.2017Útvarpssending um Ættarbandsskránna 19.06.2017Tvey nýggj starvsfólk 23.05.20171.000 blóðroyndir tiknar 20.05.2017Stýrisbólkurin vitjar á iNova 15.05.2017Blóðroyndir í Gøtudali 16. mai 24.04.2017Nýggj tvíburaskrá til gransking 13.03.2017Blóðroyndir í Klaksvík 26.01.2017Tíðindaskriv: Tú kanst framvegis tekna teg til FarGen 15.12.2016Nýggj starvsfólk 19.01.2017Blóðroyndir í Fuglafirði og Gøtu 02.12.2016FarGen á ferð endabrestur í Havn 23.11.2016FarGen á ferð - á Tvøroyri 24.10.2016FarGen á ferð - í Runavík 28.09.2016Fyrstu blóðroyndirnar tiknar 19.09.2016Nú kanst tú tekna teg til FarGen 18.09.2016Europe Biobank Week í Wien 16.08.2016FarGen luttekur á Vísindavøkuni 28.06.2016Ráðstevna um genomgransking 21.03.2016FarGen vitjar í Danmark 03.03.2016FarGen á Kambsdali 19.02.2016Eru føroyskar ílegur áhugaverdar? 21.01.201683 % taka undir við FarGen