Ílegusavnið

FarGen-verkætlanin liggur undir Ílegusavninum. Ílegusavnið er ein samskipandi eind innan heilsuverkið, sum skipar, byggir upp og fyrisitur Ættarbandsskránna, Diagnosuskránna og Vevnaðarskránna. Ílegusavnið viðger eisini umsóknir um at granska í skráunum. Gransking í ílegum hjá einum persóni, sum býr í Føroyum, kann sostatt bert verða framd av teimum, sum hava sáttmála við Ílegusavnið. 

Fyri at fáa atgongd til dáturnar frá FarGen-verkætlanini, krevst góðkenning frá Ílegusavninum, Vísindasiðsemisnevndini og verkætlanin skal fylgja ásetingunum hjá Dátueftirlitinum.

Les meira um virksemið hjá Ílegusavninum í Ílegulógini.